2018.03.03
本人有幸對太極拳有所體會,祇本著共享之心,借教為學,互相俾益,能傳開最好,但亦不著意操心,一切順乎自然。
昨天聽到大家對學習點太極比較關注的是"難學"。各同學如有好建議,請多提出,希望能有改善,幸甚!
五點聚力是點太極入門必經之路,以鬆貫切始終,難觅㨗徑。若＂聚力＂難，先練＂墜力＂，以吊墜為基礎，尤静入動；若五點難，先以脚两點訓練。，有心假以時日，鐵杆磨成針。
本人學習之路也甚崎嶇，大半生都在太極門外徘徊，就是今天學習太極拳者多如牛毛，能進入太極之門又有幾人?只要有信心練拳能帶來健康，就能排除萬難，得享箇中樂趣。本人願與同行。
努力共勉!
Tim 師兄 + Janet 師姐
Samuel 師兄 + Sunday 師兄
Ronald + 游展邦師兄
Daniel 師兄 + 馮師姐
2018 示範
李師兄2018.03.03分享
師傅，各位師兄師姐大家好，我想同大家分享一下，不過唔係練功心得，而係練太極拳給我的成果。
由於我自少已學習武術，所以對拳術功法都有些小認識，我自舊年六月才開始跟隨游師傅學習太極拳，從第一天開始，我便知道揾到我一直以來想揾嘅名師，因為時間已經証實咗，雖然只有短短八個月，但係我嘅身體狀況已經有明顯改善，我喺08年心臟病發，做過通波仔手術，有一條血管裝咗兩個支架，需要長期食藥，每半年覆診一次，初頭幾年我都好聽醫生話定時食藥，但係食咗藥一段時間，每當身體受到輕微碰撞就會發瘀，同時心跳會減慢，全身乏力，所以喺兩年前，我已經冇再食藥同埋覆診，只係間中睇中醫調理身體，但都控制唔到血壓，經常上壓高於160，下壓120之間，有時都會懷疑自己做錯決定（斷藥），從那一刻開始唔敢再量血壓，（睇到啲數字血壓更高）。
直至到今日練習完太極拳之後，一時貪玩，問廣師兄借咗個有血壓計功能嘅錶我戴，得出嚟嘅數字令我大吃一驚（上壓125下壓80，心跳每分鐘73,血含氧量97%），一切都十分正常，由此可見，練習太極拳係一分耕耘一分收獲，正如師傅話：【入門引路雖口授，功夫無息法自修】，只要依照師傅嘅教導，學得幾多得幾多，收到幾多練幾多，唔好只係上課時才練，回家都要練，相信大家一定會有得著。
我經常同人講，冇人比你自己更加清楚自己嘅身體，包括醫生，自己健康自己負責。
這個純粹係我個人分享，只不過係希望能夠畀到一個動力大家，勤啲練功，不過大家千萬唔好學我咁貿貿然 斷藥，都係嗰句，自己健康自己負責
祝大家身體健康，生活愉快。